પ્રધાનમંત્રીએ પરીક્ષા સુધારણા માટે ઉચ્ચ સત્તાધારી ટાસ્ક ફોર્સની રચનાની જાહેરાત કરી

દેશમાં મેડિકલ પ્રવેશ પરીક્ષાના વિવાદ બાદ કેન્દ્ર સરકાર એક્શન મોડમાં આવી ગઈ છે. પરીક્ષા સુધારણા માટે ટાસ્ક ફોર્સ ની રચના ની જાહેરાત ખુદ વડાપ્રધાન નરેન્દ્ર મોદીએ રવિવારે સોશિયલ મીડિયા પર લાઈવ આવીને કરી છે. આ હાઇ-પાવર કમિટી ભારતના સમગ્ર પરીક્ષા તંત્રને પારદર્શી, અભેદ્ય અને અત્યાધુનિક ટેકનોલોજીથી સજ્જ કરવા માટે વ્યાપક ભલામણો આપશે. નીટ પેપર લીક બાદ વડાપ્રધાન મોદીની મોટી જાહેરાત મે 2026 માં NEET પરીક્ષા દરમિયાન સામે આવેલા પેપર લીક મામલે દેશભરના લાખો વિદ્યાર્થીઓ અને વાલીઓમાં વ્યાપક રોષ જોવા મળ્યો હતો. આ ગંભીર રાષ્ટ્રીય ચિંતા વચ્ચે વડાપ્રધાન નરેન્દ્ર મોદીએ રવિવારે સોશિયલ મીડિયા પ્લેટફોર્મ પર આવીને વિદ્યાર્થીઓના હિતમાં એક ઘણો મોટો નિર્ણય જાહેર કર્યો છે. વડાપ્રધાને સ્પષ્ટ શબ્દોમાં જણાવ્યું હતું કે, ભારત સરકાર વિદ્યાર્થીઓના ઉજ્જવળ ભવિષ્ય માટે સતત મજબૂત પગલાં ભરી રહી છે. નીટ પરીક્ષાના વિવાદ બાદ દેશના સમગ્ર પરીક્ષા તંત્રને વધુ સુરક્ષિત કરવા માટે કેન્દ્ર સરકારે મહત્વનો નિર્ણય લીધો છે. વડાપ્રધાન મોદીએ ઇન્ફોસિસના સહ-સ્થાપક નંદન નીલેકણી ની આગેવાનીમાં ઉચ્ચ સ્તરીય ટાસ્ક ફોર્સ ની રચના જાહેર કરી છે. આ સમિતિમાં ઇસરોના પૂર્વ ચીફ અને શિક્ષણ નિષ્ણાતો સામેલ છે, જેઓ રાષ્ટ્રીય પરીક્ષાઓમાં સંપૂર્ણ ડિજિટલ પારદર્શિતા લાવવા માટે કામ કરશે