ઓલ ઈન્ડિયા ચેસ ફેડરેશન ફોર ધ બ્લાઈન્ડ (AICFB) વેસ્ટ ઝોન ચેસ ચેમ્પિયનશિપ 2026 6 ઓગસ્ટથી 9 ઓગસ્ટ 2026 દરમિયાન અમદાવાદના બ્લાઈન્ડ પીપલ્સ એસોસિએશન ખાતે યોજાશે. જેનો પ્રારંભ થયો હતો આ ચેમ્પિયનશિપ ગુજરાત ચેસ એસોસિએશન ફોર ધ વિઝ્યુઅલી ચેલેન્જ્ડ (GCAVC) દ્વારા આયોજિત કરવામાં આવી રહી છે આ પ્રતિષ્ઠિત પસંદગી ટુર્નામેન્ટમાં છ રાજ્યો - ગુજરાત, મહારાષ્ટ્ર, રાજસ્થાન, મધ્યપ્રદેશ, છત્તીસગઢ અને ગોવા - ના કુલ 100 FIDE-રેટેડ અને અનરેટેડ ખેલાડીઓ ભાગ લઈ રહ્યા છે આ ચેમ્પિયનશિપ AICFB નેશનલ પ્રીમિયર ચેસ ચેમ્પિયનશિપ માટે ક્વોલિફાઇંગ ઇવેન્ટ તરીકે સેવા આપશે, જેમાં 17 ખેલાડીઓ ક્વોલિફિકેશન મેળવશે. આ ટુર્નામેન્ટમાં પશ્ચિમ ઝોનના કેટલાક સૌથી મજબૂત દૃષ્ટિહીન ચેસ ખેલાડીઓ એ ભાગ લીધો છે દર્પણ ઈનાની (FIDE રેટિંગ: 1951), રાહુલ વાઘેલા અને અશ્વિન મકવાણા જેવા ખેલાડીઓ સ્પર્ધામાં મજબૂત હરીફાઈ આપી રહ્યા છે જે સ્પર્ધાને ખૂબ જ સ્પર્ધાત્મક અને રોમાંચક બનાવશે. આ કાર્યક્રમનો ઉદ્દેશ્ય દૃષ્ટિહીન ખેલાડીઓમાં સ્પર્ધાત્મક ચેસને પ્રોત્સાહન આપવાનો અને તેમને રાષ્ટ્રીય સ્તરે તેમની પ્રતિભા દર્શાવવાની તક પૂરી પાડવાનો છે. દેશભરના ખેલાડીઓ, અધિકારીઓ અને ચેસ ઉત્સાહીઓ ચાર દિવસની તીવ્ર અને પ્રેરણાદાયી સ્પર્ધાના સાક્ષી બને તેવી અપેક્ષા છે. આયોજકોએ આ ચેમ્પિયનશિપને શક્ય બનાવવામાં ઉદાર સમર્થન આપવા બદલ અને દૃષ્ટિહીન વ્યક્તિઓમાં રમતગમતને પ્રોત્સાહન આપવા માટે તેમની સતત પ્રતિબદ્ધતા બદલ CONCORD બાયોટેક અને બ્લાઇન્ડ પીપલ્સ એસોસિએશનનો આભાર વ્યક્ત કર્યો છે.