ગુજરાતના રમતવીરોનું થશે બહુમાન: એકલવ્ય, સરદાર પટેલ અને જયદીપસિંહજી એવોર્ડ માટે ઓનલાઈન અરજીઓ મંગાવાઈ

સ્પોર્ટ્સ ઓથોરિટી ઓફ ગુજરાત દ્વારા પ્રતિષ્ઠિત રમત પુરસ્કારો માટે ૧૧ સપ્ટેમ્બરથી ઓનલાઈન અરજી પ્રક્રિયાનો પ્રારંભ

રાજ્યમાં રમતગમત સંસ્કૃતિને વેગ આપવા અને રાષ્ટ્રીય તથા આંતરરાષ્ટ્રીય કક્ષાએ ગુજરાતનું નામ રોશન કરનાર ખેલાડીઓને પ્રોત્સાહિત કરવાના હેતુથી સ્પોર્ટ્સ ઓથોરિટી ઓફ ગુજરાત દ્વારા 'એકલવ્ય એવોર્ડ', 'સરદાર પટેલ એવોર્ડ' તેમજ 'જયદીપસિંહજી સિનિયર/જુનિયર એવોર્ડ' યોજના અંતર્ગત ઓનલાઈન અરજીઓ આમંત્રિત કરવામાં આવી છે.

જે ખેલાડીઓએ વર્ષ ૨૦૨૨-૨૩, ૨૦૨૩-૨૪ અને ૨૦૨૪-૨૫ દરમિયાન આંતરરાષ્ટ્રીય, રાષ્ટ્રીય કે રાજ્યકક્ષાની રમતગમત સ્પર્ધાઓમાં વિશિષ્ટ સિદ્ધિઓ પ્રાપ્ત કરેલી હોય તેવા જ ખેલાડીઓ આ એવોર્ડ માટે અરજી કરી શકશે.પાત્રતા ધરાવતા ખેલાડીઓએ તા. ૧૧/૦૯/૨૦૨૬ થી તા. ૧૫/૧૦/૨૦૨૬ દરમિયાન સ્પોર્ટ્સ ઓથોરિટી ઓફ ગુજરાતની અધિકૃત વેબસાઈટ http://sportsauthority.gujarat.gov.in પર જઈને ઓનલાઈન અરજી કરવાની રહેશે.

અરજી પ્રક્રિયા સંબંધિત વધુ માહિતી અથવા માર્ગદર્શન માટે જિલ્લા રમતગમત અધિકારીની કચેરી, જિલ્લા રમત પ્રશિક્ષણ કેન્દ્ર, સેક્ટર-૨૧, ગાંધીનગરનો સંપર્ક કરવાનો રહેશે. નિયત સમયમર્યાદામાં પાત્રતા ધરાવતા ગાંધીનગર જિલ્લાના તમામ રમતવીરોને પોતાની અરજીઓ ઓનલાઈન સબમિટ કરવા રમતગમત અધિકારીશ્રીની યાદી દ્વારા અનુરોધ કરવામાં આવ્યો છે.