અમદાવાદ શહેરના રાયપુર માં યુવા શક્તિ સંગમ કાર્યક્રમ યોજાયો.

અમદાવાદ ખાતે રાયપુર નગર વિસ્તારમાં 'યુવા શક્તિ સંગમ' કાર્યક્રમનું રવિવારે આયોજન કરવામાં આવ્યું હતું.

જેમાં રાયપુર નગરમાંથી યુવા ભાઈઓ અને બહેનો મોટી સંખ્યામાં ઉપસ્થિત રહ્યા હતા.

ન્યુ ક્લોથ માર્કેટના હોલમાં આ કાર્યક્રમનું આયોજન કરવામાં આવ્યું હતું.

આ કાર્યક્રમની અંદર યુવા ભાઈઓ અને બહેનો દ્વારા 'વૈચારિક યુદ્ધ સોશિયલ મીડિયા દ્વારા' આ વિષય ઉપર સંવાદ કર્યો હતો.

આ કાર્યક્રમની અંદર દુરદર્શનના એંકર હિતાંશભાઈ જૈન વિશેષ ઉપસ્થિત રહ્યા હતા તેમણે ઉપસ્થિત યુવાનો સાથે પણ સંવાદ કર્યો હતો અને તેમના મનમાં રહેલા પ્રશ્નોનું સમાધાન કર્યું હતું.

હિતાંશભાઈ જૈને પોતાના વક્તવ્યમાં જણાવ્યું હતું કે આજના યુવાનોએ સમાજ અને રાષ્ટ્ર કાર્ય સાથે જોડાવું પડશે. પોતાના વ્યવહારિક દિનચર્યાની અંદર દેશભક્તિને જોડીને સમાજ અને રાષ્ટ્રની અંદર પરિવર્તન લાવવું પડશે.

યુવાનોની તાકાત એટલી બધી હોય છે કે તે ધારે તેવુ કરી શકે. પરંતુ સાચી દિશા તરફ આ તાકાતનો ઉપયોગ થાય તે મહત્ત્વનુ છે. તેમને આ પ્રસંગે યુવાનોને રાષ્ટ્રવાદ અને રાષ્ટ્રપ્રેમ પ્રત્યે સમર્પિત રહેવા આહવાન કરી હતું